لحظات غيّرتني

مو دايم التغيير يجي بخطوات كبيرة أو أحداث ضخمة.. مرات يجي من لحظة صغيرة بس تترك أثرها فينا العمر كله.

أتذكر مواقف معينة مرّت عليّ.. يمكن ما أخذت من وقتي دقايق، بس علّمتني دروس ما نسيتها لليوم. كلمة سمعتها بوقت ضعفي.. نظرة خلتني أصحى على حقيقتي.. أو حتى خيانة هزّت ثقتي وخليتني أعيد حساباتي.

اللحظات هذي ما كانت سهلة، كثير منها وجعني، بس بنفس الوقت صنعت مني نسخة مختلفة. نسخة أقوى، أهدأ، وأوعى.

أحياناً أقول لنفسي: "يمكن لو ما صار كذا، كان للحين أنا نفس الشخص القديم." بس يوم أفكر زين، ألقى إن كل كسر، وكل صدمة، وكل دمعة.. كانت سبب إني أقف على رجولي وأصير إنسانة تعرف قيمتها.

اللي أبي أوصله؟ لا تستصغر أي لحظة في حياتك، لأن يمكن هي تكون البداية لتغيير كبير.