💭 "مؤلم مرة لمن يتغير عليك شخص كنت تفكره بيقعد معك للنهاية."

 

💭 "مؤلم مرة لمن يتغير عليك شخص كنت تفكره بيقعد معك للنهاية."

تدري وش أصعب من الفُقد؟ التغيّر.
مو التغيّر الطبيعي اللي يجي مع الوقت، لا… التغيّر اللي يخليك تحس إنك صرت غريب عند شخص كنت تشوفه بيتك الآمن.

تجلس تتذكر كلامه، ووعوده، وكيف كان يخاف تزعل، وكيف كان يسأل عنك بكل اهتمام…
وبعدين تناظر اليوم، وتشوف البُعد، والبرود، والوجوه اللي ما عاد تبتسم لك بنفس الدفء.
تحاول تفهم وش تغيّر؟ وش سويت؟ بس ما تلقى جواب.

المؤلم إنك ما زلت تحبه، ما زلت تذكر له كل تفصيلة، بس هو خلاص راح، مو بالجسد يمكن، بس بالروح، بالحضور، بالاهتمام.
اللي كان يوم يضحكك صار هو اللي يوجعك، واللي كنت تفضفض له صرت تكتم عنه كل شي.

تعرف وش الوجع الحقيقي؟ إنك تطيح بعين شخص كان يشوفك كل شي،
ويصير يشوفك “عادي.”

بس على قد ما يوجع، تعلّم إن الناس ما تبقى، وإن التغيّر أحيانًا مو نهاية، هو بداية جديدة لك مع نفسك.
بتتعب، بس بتتعود، وبتصير أقوى، لأنك اكتشفت إنك تقدر توقف حتى بعدهم.