مافي وقت للانهيار

الحياة ما تنتظر أحد، ولا توقف عشان دموعنا.
الوجع؟ موجود. الخذلان؟ حاضر. التعب؟ يزورنا كل يوم. بس الصمود مو خيار… الصمود صار واجب.

مافي وقت نطيح ونكسر ونقعد نجمع نفسنا على الراحه. اللي يطيح ويطول وهو يحاول يوقف، يلقى الدنيا سبقته. والأيام ما ترجع.

مو معناته إننا حجر، ولا إننا ما نحس. بالعكس، نحزن ونتألم وننجرح، بس نخلّي كل هالمشاعر تدفعنا نمشي قدام، مو توقفنا.

الانهيار لحظة، بس النهوض قرار. والقرار هذا هو اللي يصنع الفرق بين إنك تكون ضحية الظروف… أو تكون شخص الظروف تخاف توقف قدامه.

فـ خل دموعك خفية، بس خطواتك عالية. تذكّر دايم:
مافي وقت للانهيار.