لمن تتصنّع إنك بخير

تبتسم، وتضحك، وتقول "كل شي تمام"
بس داخلك منهار، صوتك يرتجف وأنت تحاول تثبت إنك قوي.
الكل يشوفك طبيعي، بس محد يدري إنك تمثّل دورك بإتقان،
دور الشخص اللي ما يتأثر، اللي ما ينهزم،
بينما قلبك كل ليله ينهار بصمت.

تتصنّع إنك بخير لأنك تعبت تشرح،
تعبت تقول "أنا موجوع" وماحد يفهمك،
تعبت من الناس اللي يهون عندهم كل شي إلا وجعك.

تصنّعك صار درع، تحمي فيه نفسك من الأسئلة،
من نظرات الشفقة، من "وش فيك؟" اللي ما تنقال بنية طيبة.
بس الحقيقة؟
اللي يتصنّع إنه بخير، هو أكثر شخص محتاج أحد يقول له:
"ما عليك، خلك على حقيقتك، حتى لو كنت مكسور."