مهما حاولت تفهمني، مارح تفهم إلا الشي اللي أُظهره لك.

 "مهما حاولت تفهمني، مارح تفهم إلا الشي اللي أُظهره لك."

في ناس تظن إنهم يعرفونك، بس الحقيقة إنهم ما شافوا منك إلا الواجهة اللي اخترت تطلع لهم فيها.
يشوفون ابتسامتك ويحسبونها راحة، يسمعون ضحكتك ويحسبونها سعادة، بس ما يعرفون وش في قلبك من تعب، ولا كم مرة قلت "ما علي" وأنت تنكسر من جوّا.

أنا ما أخفي لأني أحب الغموض، أخفي لأني تعبت من التفسير.
تعبت أشرح مشاعري وألقى الرد ببرود،
تعبت أتكلم ويُفهم كلامي غلط،
فـ قررت أكون صامت، أظهر اللي لازم، وأخفي الباقي عن الكل.

يمكن تشوفني هادي، بس داخلي مليان فوضى.
يمكن تظن إن ما يهمّني شي، بس أنا أتأذى من أبسط التفاصيل.
يمكن تظن إنني قوية، بس أنا أقف بقوتي على أطراف التعب.

الواضح مني مجرد قشرة، شكل يحافظ على اتزاني، على كرامتي، على صمتي اللي صار درع لي من العالم.
أما اللي بداخلي؟ محد يشوفه، ومحد رح يفهمه، لأنه مو للجميع…
هو لي، بيني وبين ربي، بيني وبين نفسي، بيني وبين اللي فعلاً يحسّ مو بس يسمع.

فـ لا تحاول تفسرني على طريقتك،
ولا تظن إنك فهمتني لأنك سمعت كلمتين أو شفت تصرف.
أنا مو صفحة مفتوحة، أنا رواية ما تنقرا إلا بالحس، مو بالحروف.